Бакъа. Эльмаз Бахшыш

Бакъа

Озенде бакъа яшай,
Чиркийлер тутып ашай.
Йырламагъа истидат
Къалдыргъан онъа эдждат.

Шенъ шакъаджы бакъачыкъ,
Къурсагъы томалачыкъ,
Концертке саба эрте
Джумлени давет эте.

Озендеки сакинлер,
Балыкълар ве сюлюклер,
Атта терс юрген къыскъач,
Къарыны олса да ач,
Темашагъа етише,
Дикъкъат иле ерлеше.

Бакъ-бакъа-къа, ба-къа-къа!
Озенде чынълай бакъа
Достларынен шенъленип,
Эр кеснен эте шакъа.
Эльмаз Бахшыш
 

Категория
Источник
https://anaurt.com

Комментарии