Çapalana yüregim çağaladay
Çapalana yüregim
çagaladay
dalğalarnıñ üstünde
qorlanıp ağlay.
yarma-yarçıq qalbime,
ilâc diye,
tamçı-tamçı tuzlu suv
tamlap tiye.
Accı yelden qanatlar
qorçalanmay,
Vatanımnıñ vucudı
qorlanıp ağlay.
Qara bulutlar Qırımnı
qaplap ala,
közge körünmegen cenk
devamlana.
Nice yıllır, asırlar-
sanki yetmey,
bitmey iç avdetimiz
halqım iñley,
acayıp yeşil ada
dertke bata,
dayan tekaran, halqım,
tañlar atar
Nice yıllır, asırlar-
olur artıq!
Bizge de kelir baar
ve azatlıq,
Raalıq körer qartlar
Nesil güller,
Olur yarıq geceler,
Bahtlı künler.
Tek yoq olma, milletim - duşman küler!
Çapalana yüregim
çagaladay
dalğalarnıñ üstünde
horlanıp ağlay.
yarma-yarçıq qalbime,
ilâc diye,
tamçı-tamçı tuzlu suv
tamlap tiye.
***
Чапалана юрегим чагъаладай
Чапалана юрегим
чагаладай
далгъаларнынъ устюнде
къорланып агълай.
ярма-ярчыкъ къальбиме,
илядж дие,
тамчы-тамчы тузлу сув
тамлап тие.
Аджджы ельден къанатлар
къорчаланмай,
Ватанымнынъ вуджуды
къорланып агълай.
Къара булутлар Къырымны
къаплап ала,
козьге корюнмеген дженк
девамлана.
Нидже йыллыр, асырлар-
санки етмей,
битмей ич авдетимиз
халкъым инълей,
аджайып ешиль ада
дертке бата,
даян текаран, халкъым,
танълар атар
Нидже йыллыр, асырлар-
олур артыкъ!
Бизге де келир баарь
ве азатлыкъ,
Раалыкъ корер къартлар
Несиль гуллер,
Олур ярыкъ геджелер,
Бахтлы куньлер.
Тек ёкъ олма, миллетим - душман кулер!
Чапалана юрегим
чагаладай
далгъаларнынъ устюнде
хорланып агълай.
ярма-ярчыкъ къальбиме,
илядж дие,
тамчы-тамчы тузлу сув
тамлап тие.
© Seyare Kоkçe
© not_partizans_clÜb, 2018