Бер!
Бер тишинъден, тырнагъынъдан арттырып,
Ач олюмге къурбан болгъан халкъынъа;
Алтын, инджи, кумюшинъни саттырып
Бер! Болмасын ахы себеп халкъынъа.
Бер! Узатыр бельким бир кунь хайырын
Олеяткъан бир сабийнинъ омюрин;
Сатып, савып еринъ, юртунъ, чайырынъ,
Бер иркильмей, сонъ корерсинъ эджирин.
Халкъынъ сенден имдат тилей, бер бугунь;
Бер! Сагъа да келир невбет, бермесенъ...
Ерге батсын къара куньде той-дюгюн,
Шабашынъны ач халкъынъа бермесенъ.
Халкъынъ эр кунь бинълеп къурбан бергенде
Отьмегинъни насыл больмей къапасынъ?
Ач Азраиль юрткъа къанат кергенде,
Эр локъманъа миллет ахы къатасынъ!
Олю юзьлю къардашынъны корьгенде,
Баш тёбенъде сачынъ тим-тик турмаймы?
Бала-чагъа ач, джалангъач джурьгенде,
Тамырынъдан къан мийинъе урмаймы?
Тынъла: Юртунъ тавы-ташы ынърана;
Козюнъ корьмей, къулакъларынъ тындымы?
Ери, кокю, денъизлери сызлана;
Туймайсынмы, къалп, козьлеринъ сёндими?
Эй, юрексиз, ёкъмы сенде къалп деген
Бир мубарек ышыкъ, дуйгъу ювасы?
Ёкъсам ки, сен юрт мезары устюнде
Миллетинънинъ сюйгинден тахт къурып,
Шу дюньягъа дирек болув дертинде
Джуресинъми? Немрутдайын зевкъ сюрип?
Унутма ки, бу искелет сюрюси
Бир кунь келип богъазынъа сарылыр.
Сонъ пешманлыкъ ич кяр этмез догърусы,
Бинъ хорлукънен джанынъ тенден айрылыр...
Шу омюрде мубарек деп не бильсенъ:
Ырыз, намус, иман, Танъры, Пейгъамбер. –
Онынъ ашкъы, Онынъ акъкъы ичюн сен
Фырсат барда Юрт дердине дева бер!
Бер! Шу Ешиль Юрт мезаргъа дёнмесин.
Ревамы ич, халкъынъ битип, сен къалсанъ?
Бер! Аталар Оджагъы шай сёнмесин,
Бер! Азгъана Хакътан къоркъсанъ, утансанъ.
Бер, къардашым! Джыласанъ да, кульсенъ де,
Кель, Юртунънен бирге джыла, бирге куль.
Бер! Сонъунда сав къалсанъ да, ольсенъ де.
Миллетинънен бирге яша, бирге оль!...
1921 с.
Ber!
Ber tişiñden, tırnağıñdan arttırıp,
Aç ölümge qurban bolğan halqıña;
Altın, inci, kümüşiñni sattırıp
Ber! Bolmasın ahı sebep halqıña.
Ber! Uzatır belkim bir kün hayırın
Öleyatqan bir sabiyniñ ömürin;
Satıp, savıp yeriñ, yurtuñ, çayırıñ,
Ber irkilmey, soñ körersiñ ecirin.
Halqıñ senden imdat tiley, ber bugün;
Ber! Sağa da kelir nevbet, bermeseñ...
Yerge batsın qara künde toy-dügün,
Şabaşıñnı aç halqıña bermeseñ.
Halqıñ er kün biñlep qurban bergende
Ötmegiñni nasıl bölmey qapasıñ?
Aç Azrail yurtqa qanat kergende,
Er loqmaña millet ahı qatasıñ!
Ölü yüzlü qardaşıñnı körgende,
Baş töbeñde saçıñ tim-tik turmaymı?
Bala-çağa aç, calanğaç cürgende,
Tamırıñdan qan miyiñe urmaymı?
Tıñla: Yurtuñ tavı-taşı ıñrana;
Közüñ körmey, qulaqlarıñ tındımı?
Yeri, kökü, deñizleri sızlana;
Tuymaysınmı, qalp, közleriñ söndimi?
Ey, yüreksiz, yoqmı sende qalp degen
Bir mubarek ışıq, duyğu yuvası?
Yoqsam ki, sen yurt mezarı üstünde
Milletiñniñ süyginden taht qurıp,
Şu dünyağa direk boluv dertinde
Cüresiñmi? Nemrutdayın zevq sürip?
Unutma ki, bu iskelet sürüsi
Bir kün kelip boğazıña sarılır.
Soñ peşmanlıq iç kâr etmez doğrusı,
Biñ horluqnen canıñ tenden ayrılır...
Şu ömürde mubarek dep ne bilseñ:
Irız, namus, iman, Tañrı, Peyğamber. –
Onıñ aşqı, Onıñ aqqı içün sen
Fırsat barda Yurt derdine deva ber!
Ber! Şu Yeşil Yurt mezarğa dönmesin.
Revamı iç, halqıñ bitip, sen qalsañ?
Ber! Atalar Ocağı şay sönmesin,
Ber! Azğana Haqtan qorqsañ, utansañ.
Ber, qardaşım! Cılasañ da, külseñ de,
Kel, Yurtuñnen birge cıla, birge kül.
Ber! Soñunda sav qalsañ da, ölseñ de.
Milletiñnen birge yaşa, birge öl!...
1921 s.
Дай! (отрывок*)
Дай! Рот обдели свой-- не его, оторви--
твой ведь народ пятися голоду в пасть;
золото-медь, жемчуг продай, не тяни,
дай! Иль твой народ может пропасть.
Дай! Протяни день хоть один жизни одной
хлебом дитя хоть одного накорми;
Пахарь, торгаш, рыбник и мастеровой,*********
дай не тая --благо своё после увидь.
Род твой в нужде, помощи ждёт-- дай ему днесь;
дай! Или умрёшь сам по себе, если не дашь...
В землю уйдёт стол твой и дом-- вот тебе месть,
голод людской сытым всегда пуще суда.
Люд что ни день в жертву кладя сотнями, ты
как и зачем хлеб свой себе тайно кроишь?
Смерти лицо видишь ли ты средь суеты,
волосы встать смогут торчком, как поглядишь?
Деток твоих голод и смерть средь наготы
сможет пробить сонных мозгов сытую тишь?
Слушай: твой Крым голодом бит, смертью зажат;
пара ушей, глаз хоть один есть у тебя?
Небо и дол, горы и степь смяла нужда;
сердце болит, зубы твои, нет, не скрипят?
Эй ты, глухой, сердца что ль нет, пусто в груди--
света хоть пядь, искра одна, кровь или лёд?
Если ты пуст, значит мясник-- твой господин:
жир, требуху, мясо и мозг даром возьмёт?
Если такой, ты на погост трон свой кладя,
станешь народ голой горой вверх городить,
голода топь трупами чтоб дерзко твердя,
Нимруда**** путь, долю его тем повторить?
Не отвернись-- может настать день доходяг,
голой толпой горло твоё перегрызут--
тело твоё в пищу себе тем обратят,
душу в грехе сотни молитв вряд ли спасут...
Ради всего в жизни твоей, вспомни о Них:
вера и честь, Небо, Пророк******--следуя Им
Ими клянясь, сердцем любя Их лишь одних,
жертвуй своим, общую хворь тем утоли!
Дай, не таи! Зелен был Край********-- станет погост.
Высохнет ток, роду конец-- кем будешь ты?
Дай! Накорми общий Очаг наших отцов,
дай! Устрашись общемiрской голь-пустоты!
Друг мой, подай!***** Весел ли ты, плачешь порой--
с Родиной враз прахом пойдёшь иль оживёшь.
Дай! "Что потом"? После умрёшь? Будешь здоров?
Смерти убавь, Нации******* жизнь ты подаёшь!...
Категория
Источник
http://anaurt.com