ВАТАН ОЗЬЛЕМИ
Джанлар сыныкъ, башлар тобен, олюдайын
саргъайып,
Манърай-манърай джуремиз бир къозудайын
манърайып.
Юз отуз джыл ичинде тап негизинден джыгъылып,
Чильдай тоздыкъ, даркъадыкъ, джат-джав къалды
сыгъайып.
Къайсы ташны котерип, къарагъанда астына,
Бабайымнынъ бир парча сюегинден бар анда.
Топрагъынънынъ, ташынънынъ къурбаныман,
Ватаным,
Огъурынъда тёкюльсин бир авуччыкъ ал къаным!
Кульдирмеге юзюнъни сюе-сюе джан берип
Одемесем акъкъынъны, мен не ичюн тувгъаным?
Анайыма ант ичтим ешиль джурткъа бармагъа,
Джан тенимден чыкъкъандже джавдан ачув алмагъа.
Истанбул, 1915 с.
Озьлем — асретлик.
Категория
Источник
http://anaurt.com